У ЗША дазволілі выкладваць у інтэрнет чарцяжы для 3D-друку зброі ФОТА
Суд у ЗША адхіліў пазоў праваабарончых арганізацый, якія патрабавалі заблакаваць рашэнне адміністрацыі прэзідэнта Дональда Трампа дазволіць публікаваць у інтэрнэце чарцяжы для стварэння зброі з дапамогай 3D-прынтараў. Пра гэта паведамляе ТАСС са спасылкай на CNN.
У чэрвені гэтага года ўлады ЗША дазволілі амерыканскай кампаніі Defense Distributed размяшчаць у інтэрнэце чарцяжы зброі, якую можна «надрукаваць» з пластмасы на 3D-прынтары. Гэта адбылося праз пяць гадоў пасля таго, як адміністрацыя экс-прэзідэнта ЗША Барака Абамы забараніла фірме публікаваць падобныя схемы.
З дапамогай такіх схем кожны можа зрабіць такую зброю з дапамогай тэхналогіі 3D-друку, стварыўшы неабходныя для гэтага пластмасавыя дэталі.
У 2015 годзе заснавальнік кампаніі Кодзі Уілсан падаў у суд, заявіўшы, што забарона парушае яго канстытуцыйныя правы. Ён сказаў, што на той моманту, калі ўлады ЗША ў 2013 годзе запатрабавалі выдаліць чарцяжы з сайта кампаніі, іх ужо спампавалі больш за 400 тыс. разоў.
Праз тры гады адміністрацыя Трампа урэгулявала судовыя прэтэнзіі Defense Distributed і дазволіла кампаніі размясціць чарцяжы ў інтэрнэце. Па словах Уілсана, яго фірма плануе зрабіць гэта да 1 жніўня.
Праваабаронцы падалі іск у суд у Осціне (штат Тэхас) з патрабаваннем адмяніць скасаванне забароны. Яны сцвярджалі, што размяшчэнне схем «нанясе непапраўныя страты нацыянальнай бяспецы ЗША». Як адзначае CNN, суд адхіліў хадайніцтва праваабаронцаў.
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары