Супрацоўнікі міліцыі затрымалі 14 грамадзян Расіі падчас футбольнага матчу 9 жніўня паміж ФК «Дынама-Мінск» і ФК «Зеніт» (Санкт-Пецярбург). Пра гэта паведаміла ГУУС Мінгарвыканкама.
«Падчас правядзення матча на тэрыторыі стадыёна і прылеглай тэрыторыі затрымана 16 грамадзян: двое грамадзян Беларусі і 14 грамадзян Расіі. У дачыненні да ўсіх іх было складзена 16 пратаколаў аб адміністрацыйных правапарушэннях», — адзначылі ў мінскай міліцыі.
11 пратаколаў складзеныя за дробнае хуліганства, яшчэ 5 — за распіццё спіртных напояў.
На матчы прысутнічала 21 тысяча гледачоў, у тым ліку 2300 фанатаў «Зеніта».
9 жніўня футбалісты мінскага «Дынама» сенсацыйна выйгралі ў піцерскага «Зеніта» з лікам 4:0 ў першым матчы трэцяга кваліфікацыйнага раўнда Лігі Еўропы.
Цяпер чытаюць
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца1
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары