Пілоты Ryanair - найбуйнейшага лоукост-перавозчыка Еўропы - абвясцілі забастоўку ў пяці еўрапейскіх краінах. Адмененая шостая частка рэйсаў перавозчыка ў пік сезону адпачынкаў, піша bbc.com.
Да 24-гадзіннага страйку далучыліся супрацоўнікі авіякампаніі ў Германіі, Швецыі, Ірландыі, Бельгіі і Нідэрландах. Аб адмене 400 рэйсаў паведамілі 50 тысячам пасажыраў.
Гэтая акцыя стала найбуйнейшай у шэрагу страйкаў працаўнікоў кампаніі, якія патрабуюць падвышэння заробкаў і паляпшэння ўмоваў працы.
Прафсаюзы патрабуюць, каб кантракты работнікаў Ryanair рэгуляваліся законамі краіны, дзе яны жывуць, а не заканадаўствам Ірландыі.
Кіраўніцтва Ryanair назвала страйкі «прыкрымі і неапраўданымі» і сцвярджае, што плаціць сваім пілотам больш, чым іншыя бюджэтныя авіякампаніі. Авіялініі таксама заявілі, што прыкладуць усе намаганні, каб звесці да мінімуму нязручнасці для пасажыраў: «Большасці пацярпелых кліентаў ужо прапанавалі іншыя рэйсы Ryanair», - сказалі там.
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары