З залы суда Фрунзенскага раёна выйшаў на свабоду прадзюсар, музыкант, акцёр і бізнэсмен Віталь Новікаў. Пра гэта ў сваім фэйсбуке паведаміў бізнэсмен Уладлен Вяліцкі.
У судзе Фрунзенскага раёна адмовіліся агучыць прысуд па тэлефоне. Атрымаць каментар у Новікава пакуль не ўдалося. «Прысуд — 2 гады і 6 месяцаў без канфіскацыі. Ён утрымліваўся пад вартай амаль такі ж тэрмін», — сказаў яго знаёмы.
Пра затрыманне шоўмена стала вядома ў красавіку 2016 года.
Следчыя сцвярджалі, што Новікаў дапамагаў прадпрыемствам незаконна ўхіляцца ад выплаты падаткаў.
Віталь Новікаў нарадзіўся 21 верасня 1959 года. Скончыў Беларускі тэатральна-мастацкі інстытут (рэжысура тэатра). Працаваў у Мінскім ТЮГу, тэатры «Малая сцэна», ансамблі «Песняры». Новікаў з'яўляецца заснавальнікам КВЗ у Беларусі, заснавальнікам тэлевізійнай творчай групы «АМіК» (Беларусь).
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда17
Каментары