Рэйтынг Forbes самых высокааплатных актрыс узначаліла Скарлет Ёхансан
Часопіс Forbes апублікаваў штогадовы рэйтынг самых высокааплатных актрыс, і ўзначаліла яго Скарлет Ёхансан, якая зарабіла за год $40,5 млн. Яе даходы выраслі дзякуючы ролі Чорнай удавы ў фільме «Мсціўцы: Вайна бясконцасці» па коміксах Marvel.
Другое месца заняла Анджэліна Джалі, якая зарабіла $28 млн, большую частку гэтай сумы склаў аванс за здымкі ў працягу фільма «Малефісент».
Трэці радок заняла Джэніфер Эністан, чый гадавы даход склаў $19,5 млн. Як адзначае Forbes, большую частку гэтай сумы актрыса зарабіла дзякуючы рэкламным кантрактам з авіякампаніяй Emirates, вытворцам пітной вады Smartwater і касметычным брэндам Aveeno.
The world's highest-paid actresses of 2018:
— Forbes (@Forbes) 16 августа 2018 г.
1. Scarlett Johansson, $40.5M
2. Angelina Jolie, $28M
3. Jennifer Aniston, $19.5Mhttps://t.co/hUS1yLxsf7 pic.twitter.com/PyAH3WophI
У пяцёрку самых высокааплатных актрыс таксама патрапілі Джэніфер Лоўрэнс ($18 млн) і Рыз Уізерспун ($16 млн).
Для параўнання дадамо, што амерыканскі акцёр Джордж Клуні летась зарабіў ажно $239 млн — гэта больш, чым калі-небудзь зараблялі акцёры за год. Дасягнуць гэтага Клуні ўдалося дзякуючы продажу кампаніі па вытворчасці тэкілы, саўладальнікам якой ён быў.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары