Мінфін прапануе павялічыць колькасць пасад, на якіх можна працаваць без вышэйшай адукацыі
У Беларусі існуе занадта вялікая колькасць пасад, займаць якія можна толькі пры наяўнасці дыплома аб вышэйшай адукацыі. Намеснік міністра фінансаў Юрый Селіверстаў у інтэрв'ю профільнаму часопісу «Фінансы, улік, аўдыт» прапанаваў перагледзець адпаведны пералік прафесій у Міністэрстве працы і сацыяльнай абароны.
«Далёка хадзіць не будзем, паглядзім на фінансавую сферу. Ці трэба вышэйшая адукацая чалавеку, які прымае камунальныя плацяжы ў банку ці які сядзіць на абмене валюты? Сумняюся», — сказаў Селіверстаў.
Ён нагадаў, што раней выпускнікі тэхнікумаў у райфінаддзелах і падатковых інспекцыях паспяхова спраўляліся з прафесійнымі абавязкамі і дасягалі высокіх вынікаў у працы. «Аднак пасля перагляду патрабаванняў да пасады гэта немагчыма», — адзначае намеснік міністра.
Пры гэтым Селіверстаў прапануе паляпшаць сістэму сярэдняй адукацыі.
Паводле звестак Белстата, Беларусь лідзіруе сярод краін СНД па колькасці студэнтаў ВНУ на 10 тысяч чалавек насельніцтва — 354 супраць 325 у Расіі, 322 ва Украіне. Пры гэтым прыкладна траціна студэнтаў вучыцца па юрыдычным і эканамічным профілях.
Цяпер чытаюць
Белпол: «Эпштэйн не даехаў да Беларусі». А кім былі бацькі яго каханкі Карыны Шуляк?2
Каментары