Названы самы бяспечны горад у свеце. Мінск заняў досыць высокае месца
Сэрвіс Numbeo, які параўноўвае статыстыку злачынстваў у свеце, апублікаваў рэйтынг самых бяспечных гарадоў 2018 года. Поўны спіс размешчаны на афіцыйным сайце Numbeo.
Спецыялісты сэрвісу прааналізавалі ўзровень злачыннасці ў 327 гарадах і назвалі самым бяспечным горадам сталіцу ААЭ Абу-Дабі. Індэкс злачыннасці тут склаў 13,63%, а індэкс бяспекі - 86,37%.
За ім ідзе горад Доха ў Катары (індэкс злачыннасці - 14,48%), а далей Базэль у Швейцарыі (16,01%). У дзясятку самых бяспечных таксама ўвайшлі Сінгапур (16,23%), Квебек (16,43%), Осака (16,77%), Токіа (16,86%), Бэрн (17,24%), Мюнхен (17,45%) і Цюрых (19,01%).
Мінск у рэйтынгу бяспечных гарадоў апынуўся на 36-м месцы. Індэкс злачыннасці тут склаў 25,88%.
Напрыклад, Любляна — на 34-м месцы (індэкс — 24,97%), Заграб — 37-ы (26,01%), Прага — 44-я (27,55%), Вільня — 63-я (30,90%), Варшава — 71-я (33,45%), Масква — 184-я (45,98%), Кіеў — 198-ы (47,90%). Разам з тым Тбілісі — 16-ы, а Талін — 17-ы (20,46%).
У пяцёрку самых крымінальных гарадоў уваходзяць: Дурбан (Паўднёвая Афрыка), Фарталеза (Бразілія), Порт-Морсбі (Папуа — Новая Гвінея), Каракас (Венесуэла), Сан-Педра-Сула (Гандурас).
Апытанка
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла23
Каментары