Жыхарка вёскі Бярозаўка ў Амурскай вобласці пазнала ў адным з падазраваных у атручванні Скрыпалёў свайго аднавяскоўца Анатоля Чапігу, паведамляе «Коммерсант».
The Insider і Bellingcat сцвярджаюць, што Анатоль Чапіга — гэта сапраўднае імя Руслана Башырава, якога Вялікабрытанія разам з «Сяргеем Пятровым» абвінаваціла ў атручванні Скрыпалёў.
Суразмоўцы выдання папрасілі не называць іх імёнаў. Жыхары Бярозаўкі, дзе працяглы час жыла сям'я Чапігі, кажуць, што бачылі Анатоля дзесяць гадоў таму. Але яны глядзелі і чыталі матэрыялы СМІ пра «Башырава».
«Гэта ён, Толя. Сто адсоткаў ён. Вочы чорныя амаль, і голас яго», — заявіла знаёмая Чапігі па школьных гадах.
Паводле яе слоў, Чапіга скончыў школу ў 1996 годзе і паступіў у Далёкаўсходняе вышэйшае агульнавайсковае каманднае вучылішча.
Іншая жыхарка Бярозаўкі сумняваецца, што на апублікаваных СМІ фотаздымках — яе зямляк. «Ён быў ужо амаль лысым, не вельмі падобны на гэтае фота, у яго адкрыты погляд быў, а тут як спадылба. Хоць вочы карыя», — заявіла жанчына. Паводле яе слоў, жыхары Бярозаўкі ведалі, што Чапіга на сакрэтнай службе ў гарачых пунктах.
Вяскоўцы таксама кажуць, што Анатоль Чапіга жанаты, у яго двое дзяцей. Не так даўно ў Бярозаўцы абмяркоўвалі навіну, што яго сям'і нібыта далі чатырохпакаёвую кватэру ў Маскве.
Чытайце таксама: Стала вядома сапраўднае імя «Башырава», ён атрымаў Героя Расіі за падзеі ва Украіне
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам18
Каментары