У Мікалаеўскай вобласці Украіны каля пасёлка Крывое Возера адбылася чарговая маштабная аварыя з удзелам грамадзян Беларусі. У выніку ДТЗ восем чалавек атрымалі траўмы, двое з іх — у цяжкім стане ў рэанімацыі, адзін у коме. Пра гэта TUT.BY паведаміла афіцыйны прадстаўнік паліцыі Мікалаеўскай вобласці Украіны Алена Беражная.
ДТЗ адбылося каля 6 гадзін раніцы 4 кастрычніка на 290 км дарогі Адэса — Кіеў у Крываазёрскім раёне. Mercedes Sprinter з беларускай рэгістрацыяй (нумары Гомельскай вобласці) урэзаўся ў грузавы пад'ёмны кран Mitsubishi, які ехаў наперадзе ў спадарожным кірунку.
У салоне мікрааўтобуса было 8 чалавек. Адзін пасля сутыкнення перасеў у іншы аўтамабіль, паліцыі пра яго пакуль нічога не вядома.
У выніку ДТЗ пацярпелі 7 чалавек, з іх 6 грамадзян Беларусі ва ўзросце ад 43 да 66 гадоў, у тым ліку — кіроўца мікрааўтобуса. Яшчэ адзін 30-гадовы пасажыр — жыхар Кіева.
Пацярпелым аказваецца неабходная меддапамога, адзін з іх у цяжкім стане.
24-гадовы кіроўца пад'ёмнага крана не пацярпеў.
Па ўкраінскіх законах, вінаватаму ў ДТЗ пагражае пакаранне ў выглядзе пазбаўлення свабоды на тэрмін ад трох да васьмі гадоў.
Нагадаем, у ліпені ў Мікалаеўскай вобласці таксама каля пасёлка Крывое Возера рэйсавы мікрааўтобус «Адэса — Гомель» з нумарамі Гомельскай вобласці урэзаўся ў грузавік. Тады загінулі пяць чалавек, 12 з траўмамі былі шпіталізаваны.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі31
Каментары