У Жлобіне, пакуль пенсіянерка хадзіла на агарод, у яе з хаты скралі $18 тысяч і 400 рублёў. Зладзейку знайшлі праз месяц
Месяц спатрэбіўся аператыўнікам, каб высветліць падазраваную ў крадзяжы 18000 даляраў ЗША і 400 беларускіх рублёў з дома пенсіянеркі, якая жыве ў Жлобіне.
У верасні жанчына выйшла з дома ў агарод, а дзверы на замок не зачыніла. Калі вярнулася ў жыллё, зразумела, што ў доме пабываў нехта чужы. Яна праверыла сваю схованку з грашыма, але не знайшла іх там. Па дапамогу пенсіянерка звярнулася ў міліцыю.
Праз месяц супрацоўнікі крымінальнага вышуку затрымалі жыхарку Жлобіна 1985 года нараджэння. Частку выкрадзеных грошай, 14350 даляраў ЗША, канфіскавалі і вярнулі пацярпелай. Распачалі крымінальную справу па артыкуле 205 КК Беларусі.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары