Пракуратура адклікала пратэст на рашэнне суда па справе Ізраілевіча супраць «Новага часу»
Пракуратура Савецкага раёна Мінска адклікала апеляцыйны пратэст на рашэнне суда па справе бізнэсмена Аркадзя Ізраілевіча супраць газеты «Новы час» і журналіста Дзяніса Івашына. Гэтую інфармацыю Tut.by пацвердзіла адвакат Ізраілевіча.
«Мой кліент не планаваў абскардзіць рашэнне суда. Хоць, вядома, мы з ім не згодныя. Пра тое, што пракуратура накіравала пратэст, даведаліся з інтэрнэт-рэсурсаў. Таму вырашылі пацікавіцца ў судзе дэталямі. Аднак там адказалі, што пракуратура ўжо адклікала пратэст», — сказала адвакат.
Атрымаць аператыўны каментар у пракуратуры не ўдалося.
У судзе Савецкага раёна Мінска папрасілі накіраваць пісьмовы запыт.
Нагадаем, бізнэсмен Аркадзь Ізраілевіч праз суд патрабаваў прыцягнуць да адказнасці газету «Новы час» і журналіста Дзяніса Івашына. На думку бізнэсмена, газета апублікавала шэраг артыкулаў пра рэстаран «Паедзем, паядзім» у Курапатах, якія прыніжаюць яго гонар, годнасць і дзелавую рэпутацыю.
Суд Савецкага раёна не задаволіў іск Ізраілевіча, адмовіў у публікацыі абвяржэння і спагнанні маральнай шкоды з аўтара і рэдакцыі газеты. Акрамя таго, Ізраілевіч павінен выплаціць 600 рублёў на карысць газеты і журналіста.
-
Журналістка «Спутніка» звяртаецца да Лукашэнкі: яе сын паступіў у Вышэйшую школу эканомікі ў Маскве, а дома на яго завялі крыміналку
-
Былы супрацоўнік «Бетэры» запісаў вялікае відэа пра гэта анлайн-казіно. Цяпер у яго праблемы з міліцыяй
-
У Мінску развіталіся з паэтам Уладзімірам Карызнам, аўтарам слоў да цяперашняга дзяржаўнага гімна Беларусі
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары