Інтэрпал атрымаў заяву свайго кіраўніка Мэн Хуньвэя, у якім ён апавясціў арганізацыю, што неадкладна сыходзіць у адстаўку, паведамляе агенцтва Reuters. У Інтэрпале паведамілі, што ўжо прызначылі в.а. абавязкі прэзідэнта. Ім стаў карэец Кім Ёнг Ян.
У Інтэрпале дадалі, што выбары новага кіраўніка пройдуць на сустрэчы кіраўнікоў паліцэйскіх арганізацый, якая пройдзе ў Дубаі ў лістападзе.
У апошнія суткі стала вядома, што Інтэрпал паводле заявы жонкі Мэн Хунвэя накіраваў запыт у Кітай, каб высветліць, куды знік прэзідэнт арганізацыі, які ў канцы верасня паляцеў туды ў адпачынак.
Праз некалькі гадзін дысцыплінарны орган Кампартыі КНР паведаміў пра тое, што ў дачыненні да чыноўніка, які адначасова з'яўляецца намеснікам міністра грамадскай бяспекі краіны, распачатае расследаванне. Яго падазраюць у карупцыі.
Пры гэтым кітайскія ўлады не патлумачылі, дзе менавіта цяпер знаходзіцца Хунвэй Мэн.
Раней Parisien паведаміла пра тое, што да Мэн Хунвэя пытанні ўзніклі з-за кампаніі, якая працуе ў сферы барацьбы з кіберзлачынцамі. Нібыта намеснік міністра мог незаконна аказваць ёй садзейнічанне ў атрыманні дзяржаўных кантрактаў.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы19
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары