Міністэрства абароны Расіі на сакрэтнай нарадзе ўсклала адказнасць за правалы супрацоўнікаў расійскай ваеннай разведкі ў кібераперацыях на палкоўніка ГРУ Канстанціна Бахціна, які з'яўляецца блізкім сябрам Чапігі-Башырава, паведамляе цэнтр «Дасье» са спасылкай на крыніцу ў вайсковым ведамстве.
Контрразведка Нідэрландаў праслухоўвала тэлефон другога сакратара пасольства Расіі Канстанціна Бахціна, які ўвесь час абмяркоўваў дэталі кібератакі супраць Арганізацыі па забароне хімічнай зброі (АЗХЗ) у Гаазе.
На сакрэтнай нарадзе ў Мінабароны Расіі дзеянні расійскіх дыверсантаў ахарактарызавалі такімі словамі, як «дрымучая некампетэнтнасць», «бязмежнае разгільдзяйства», «дэбілы» і «яшчэ б будзёнаўкі надзелі».
Падчас вучобы ў Маскве Бахціна з сям'ёй пасялілі ў інтэрнаце, дзе жыў падазраваны ў атручванні Скрыпалёў Башыраў-Чапіга. Чапіга і Бахціны сябравалі сем'ямі.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый7
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары