2300 беларусаў удзельнічалі ў сустрэчы з папам у Варшаве – гэта зьвесткі польскае памежнае службы. Сапраўды, на пляцы Пілсудзкага скрозь былі бел-чырвона-белыя сьцягі. Беларуская мова была адной з трох, якія ўжываліся на варшаўскім набажэнстве.
2300 беларусаў удзельнічалі ў сустрэчы з папам у Варшаве – гэта зьвесткі польскае памежнае службы. Сапраўды, на пляцы Пілсудзкага скрозь былі бел-чырвона-белыя сьцягі. Як відна, беларусы моцна прывязаліся да сваіх нацыянальных колераў. Беларуская мова была адной з трох, якія ўжываліся на варшаўскім набажэнстве. Акрамя яе, малітвы гучалі па-польску і па-ангельску. Выкарыстаньне беларускай мовы Касьцёлам стае добраю традыцыяю. Гэта важная азнака яе адраджэньня.
Але ня гэта прыцягнула найбольшую ўвагу падчас першага вялікага візыту папы.
Малітву на беларускай мове прачытаў беларускі студэнт з Варшавы Зьміцер Гурневіч – былы палітвязень турмы на Акрэсьціна. З папскага аўтара па-беларуску прагучаў заклік маліцца за свабоду і чалавечую годнасьць: «Памятаючы пра тое, што людзі розных расаў, нацыянальнасьцяў і народаў зьяўляюцца адной сям’ёй, молімся за свабоду і пашану годнасьці кожнага чалавека, асабліва ў тых краінах, дзе парушаюцца і абмяжоўваюцца грамадзянскія правы – каб ніхто не цярпеў ад прымусу, дыскрымінацыі і прычыненай крыўды».
Выбар Зьмітра Гурневіча быў зроблены калі не самімі беларускімі біскупамі, дык зь іхнага ведама, а таму ня можа быць выпадковым.
Дагэтуль улады з Касьцёлам лічыліся і на канфлікт не ішлі, калі ня браць пад увагу шавіністычных штучак кшталту падручніка гісторыі Трашчанка. А Касьцёл быў асьцярожны і ўнікаў тэмы правоў чалавека. Цяпер з боку Касьцёлу прагучала выразнае пасланьне салідарнасьці і пратэсту. Касьцёл зрабіў яго ў стрыманай і непалітызаванай форме. Пасьля выбараў, а ня перад імі. Пасьля Плошчы, дзе некаторыя ксяндзы вырашылі заставацца з сваімі вернікамі.
У сілу гістарычных абставінаў, беларускі Касьцёл ня можа быць па-за ўплывам польскага ўспрыманьня сытуацыі ў Беларусі. Але дарма сьпісваць настроі ў ім толькі на замежны ўплыў. Гэта таксама адбітак прыхільнасьцяў малодшага пакаленьня беларускіх ксяндзоў і сьвецкага актыву, з пакаленьня незалежнасьці. Касьцёл чуйна прыслухоўваецца да сьвету. І лічыць сябе досыць кансалідаваным, каб не баяцца рэакцыі ўладаў кшталту той, якая напаткала Саюз палякаў ці меншыя пратэстанцкія цэрквы.
Усё шырэйшыя слаі патрабуюць дэмакратычных рэформаў і грамадзянскіх свабодаў. На сустрэчы з Бэнэдыктам прагучала недвухсэнсоўнае пасланьне Касьцёлу, і ўладам Беларусі варта над ім задумацца.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Цяпер чытаюць
Лукашэнка пра «вялікую здзелку» з ЗША: Гэта не толькі палітвязні5
Каментары