«Так, як гэта я бачу», — сказаў ён.
Аляксандр Лукашэнка прапанаваў ЗША варыянт заканчэння вайны ў Іране. Пра гэта ён заявіў сёння журналістам, піша БелТА.
Пра гэта ён расказаў падчас перамоваў з амерыканскай дэлегацыяй на чале са спецпасланнікам Джонам Коўлам.
«Прапанаваў ім сваё бачанне заканчэння вайны ў Іране. Так, як гэта я бачу. Не хачу гэта публічна казаць. Я ім прапанаваў яшчэ адзін варыянт», — сказаў ён.
Аляксандр Лукашэнка распавёў, што ў спецпасланніка і адваката Джона Коўла з Іранам звязаная асабістая гісторыя, якой суразмоўца падзяліўся падчас перамоваў. Падчас падзей Ісламская рэвалюцыя ў Іране ў канцы 70‑х — пачатку 80‑х гадоў XX стагоддзя там загінулі амерыканцы.
«Гэта яны не вельмі педалююць. Гавораць пра тое, што ядзерная зброя, яшчэ нешта там. Але ў іх у галаве — у амерыканцаў, асабліва ў грамадстве, — тады загінулыя гэтыя людзі. І ён, гэты Джон, быў адвакатам у сваякоў загінулых. Ён мне асабіста расказаў. Таму, кажа, у мяне вось тут (унутры) гэта ўсё сядзіць», — падзяліўся падрабязнасцямі размовы Лукашэнка
Шмат у чым таму, растлумачыў Аляксандр Лукашэнка, размову і пачалі з іранскай тэматыкі, хаця ў парадку дня былі і іншыя пытанні, уключаючы тэму Украіны.
Ён прызнаўся, што ў пэўным сэнсе Беларусь «патрапіла ў замес», маючы на ўвазе, што з усімі ўцягнутымі бакамі ёсць пэўны ўзровень адносін і жаданне іх развіваць.
«З аднаго боку, Іран, нібыта нашы саюзнікі. Яны мяне не паслухалі, калі я ім казаў напярэдадні вайны, яшчэ задоўга як. Амерыканцы гэта ведаюць. Ну і Эміраты, Катар, асабліва Аман — цяпер мы робім стаўку. Яны ўсе трапілі тут. З саўдытамі цяпер вядзём размову. Таму тут, здаецца, нашы людзі, і з другога боку нашы. І тут, дай бог, каб гэта скончылася. У нас толькі адзін прынцып: трэба, каб гэта ўсё скончылася. Бо нашы людзі і там, і там. Усе пакутуюць», — заявіў ён
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары