У Гомелі будуць судзіць рэжысёра за дакументальны фільм пра драўляную спадчыну
У Гомелі будуць судзіць рэжысёра Марыю Булавінскую за дакументальны фільм «Бяздомны горад», паведамляе Радыё Рацыя. Міліцыянты накіравалі на разгляд суда Цэнтральнага раёна Гомеля адміністрацыйную справу паводле артыкула 22.9 (незаконны выраб прадукцыі СМІ).
Марыя Булавінская заўважае, што на яе памяці гэта першы выпадак, калі ў Беларусі прыцягваюць да адказнасці за стварэнне дакументальнай стужкі.
«Увогуле дзіўная сітуацыя. У Беларусі даволі рэдка судзяць за культурніцкія матэрыялы. А каб судзілі за рэпартажы альбо за дакументальныя стужкі, я такога зусім не магу прыгадаць. Мне чамусьці падаецца, што мяне пераследуюць праз тое, што ўлады не хочуць пакінуць за сабой славу «герастратаў». Ім вельмі не падабаецца, калі дакументуюцца факты знішчэння ўнікальных гістарычных дамоў», — кажа Булавінская
Дакументальны фільм «Бяздомны горад» выходзіў на тэлеканале «Белсат». У стужцы апавядаецца пра страту ўнікальных драўляных сядзіб, а таксама пра працу валанцёраў і краязнаўцаў па захаванні памяці пра гістарычныя будынкі.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары