Кітайская кампанія Shanghai ManWei Technology вывела на арбіту першы ў гісторыі касмічны банк генаў DSB-01, паведаміла Цэнтральнае тэлебачанне Кітая.
Запуск адбыўся пры дапамозе ракеты-носьбіта «Чанчжэн-4» з касмадрома Тайюань у правінцыі Шаньсі на поўначы краіны.
Па словах арганізатараў праекту, генны матэрыял, атрыманы ад васьмі грамадзян Кітая, будзе захоўвацца каля тысячы гадоў. Ён змешчаны ў спецыяльны кантэйнер, які бароніць ад уздзеяння касмічнай радыяцыі.
Як адзначае тэлеканал, паводле падлікаў спецыялістаў, Зямля можа стаць непрыдатнай для чалавецтва ўжо ў бліжэйшыя 400 гадоў праз перанасяленне і вычарпанне рэсурснай базы.
«Мяркуецца, што пры дапамозе гэтага банка генаў будзе створана новая чалавечая цывілізацыя», — гаворыцца ў рэпартажы. Shanghai ManWei Technology плануе стварыць касмічны банк генаў з мільёнамі ўзораў.
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным24
Каментары