Чарговы выпадак шаленства ў Гродне выявілі 2 лістапада. Бяздомнага ката знайшлі каля смеццевага кантэйнера па вуліцы Крамко ля дома №25. Неабыякавая гарадзенка прынесла жывёлу ў ветклініку. Там кот і памёр. У яго выявілі небяспечнае захворванне на шаленства, піша 015.by
— Гэта не мой кот, ён ляжаў на вуліцы. Я адвезла яго ў ветклініку. Яго пракапалі, але не дапамагло. Памёр, — кажа Ганна, якая паспрабавала выратаваць жывёлу, але зараз па гэтай прычыне вымушана сама легчы ў бальніцу.
Цяпер усе, хто кантактаваў з жывёлай, будуць правакцыянаваныя, а ў раёне выяўлення шалёнага ката абвешчаны каранцін. Усе беспрытульныя жывёлы будуць адлоўленыя.
Як правіла, каранцін доўжыцца 2 месяцы з моманту апошняга выяўлення факту шаленства.
Каментары