Гарадскі этап рэспубліканскага конкурсу «100 ідэй для Беларусі» пройдзе ў Гомелі 28 лістапада ў ГДУ імя Ф. Скарыны, паведаміў БЕЛТА першы сакратар Гомельскай гарадской арганізацыі БРСМ Мікалай Светагор.
На гарадскім этапе прадставяць больш за 30 праектаў па двух кірунках: тэхнічным і гуманітарным. Па словах суразмоўцы, заяўкі на ўдзел паступілі ад студэнтаў, навучэнцаў каледжаў і ліцэяў, школьнікаў, а таксама ад працоўнай моладзі.
«Сёлета юнакі і дзяўчаты прэзентуюць распрацоўкі для самых розных сфер. У прыватнасці, будуць прадстаўлены 5D-каардынатны фрэзерны модуль для шматфункцыянальнай прылады MultiCube, прыбор для генерацыі энергіі аўтатранспартнага руху, электронны флікер для веласіпедыстаў», — распавёў Мікалай Светагор.
Каментары