Намесніку старшыні Ліберальна-дэмакратычнай партыі Алегу Гайдукевічу 4 студзеня зрабілі аперацыю па выдаленні пухліны слінной залозы.
«Аперацыя доўжылася тры гадзіны, усе пад наркозам. Аперацыя складаная, бо ў міліметры ад пухліны знаходзіцца нерв твару, і калі яго выпадкова зачапіць, то можа атрафіравацца ўвесь твар. Рабілі пад мікраскопам. Усё выдатна! У нас цудоўныя ў краіне лекары, не тыя, што ў міністэрствах сядзяць, а тыя, што працуюць з пацыентамі. Я тут бачу, якія складаныя аперацыі яны робяць і дзецям, і дарослым. Такім людзям трэба помнікі ставіць», — дзеліцца Гайдукевіч.
Палітык кажа, што пра пухліну даведаўся выпадкова ў снежні. Час для аперацыі між Новым годам і праваслаўным Раством абраў адмыслова, бо «найменш працы». «Першая аперацыя ў жыцці, хваляваўся, але ўсё зроблена выдатна», — расказаў ён «НН».
Пухліна добраякасная.
Гайдукевіч сказаў, што ўжо ў панядзелак плануе выйсці на працу, а бліжэйшым часам накіравацца ў складзе дэлегацыі ЛДПБ у Тэгеран.
Цяпер чытаюць
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары