Савет Еўразійскага фонду стабілізацыі і развіцця (ЕФСР) ухваліў змены умоў прадстаўлення сёмага, заключнага, траншу крэдыту Беларусі. Пра гэта гаворыцца ў распаўсюджаным у сераду прэс-рэлізе фонду.
«Савет Еўразійскага фонду стабілізацыі і развіцця ухваліў змены ў Праграму рэформаў Рэспублікі Беларусь, што падтрымліваецца фінансавым крэдытам ЕФСР, у частцы ўмоў прадастаўлення заключнага, сёмага, траншу крэдыту, — адзначаецца ў паведамленні. — Неабходнасць карэкціроўкі ўмоў паўстала з прычыны зруху ў графіку рэалізацыі мер Праграмы ў рамках першых шасці траншаў». Пры гэтым падкрэсліваецца, што ў сувязі з гэтым Саветам ЕФСР былі ўхвалены перанос кантрольнай даты ацэнкі выканання ўмоў сёмага траншу і запыт міністэрства фінансаў Беларусі аб пераносе даты заканчэння даступнасці крэдыту з 31 снежня 2018 года на 31 сакавіка 2019 года.
У рамках ухваленых змяненняў, гаворыцца ў паведамленні, «актуалізаваны парогавыя значэнні колькасных паказчыкаў і ўдакладнена рэдакцыя некаторых умоў».
У прыватнасці, парогавае значэнне па мінімальным узроўні валавых міжнародных рэзерваў устаноўлена з улікам наяўнай дынамікі гэтага паказчыка ў першай палове 2018 года, прагназаваных валютных патокаў і з мэтай недапушчэння зніжэння ўзроўню пакрыцця валавых міжнародных рэзерваў ніжэй за два месяцы імпарту. Акрамя таго, парогавыя значэнні па манетарных паказчыках устаноўлены на ўзроўнях, якія спрыяюць стрымліванню інфляцыі па выніках 2018 года ў рамках вызначанага шасціпрацэнтнага мэтавага значэння.
Некаторыя іншыя ўмовы, якія не былі выкананы беларускімі ўладамі ў рамках шостага траншу, былі паўторна ўключаны ва ўмовы прадастаўлення сёмага траншу. Разам з тым з умоў выдзялення траншу выключаныя некалькі кантрольных паказчыкаў, якія страцілі актуальнасць па стане на новую кантрольную дату.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары