У Мінску прайшла традыцыйная вечарына памяці знакамітага чэшскага палітыка Вацлава Гавела.
«Гаворачы пра Гавела, мы гаворым пра яго як пра прыклад, як пра палітыка, на якога можна арыентавацца цяпер у Беларусі. Вельмі хацелася б, каб памяць пра яго заставалася не толькі ў тых людзей, хто з ім сустракаўся, але і пашыралася», — адзначыў лідар руху «За Свабоду» Юрый Губарэвіч.
Прыйдзе час, упэўнены палітык, калі ў Беларусі пачнецца дэкамунізацыя, вуліцы у гонар камуністычных дзеячаў будуць перайменаваныя. «Адзін з першых ганаровых замежнікаў, чыё імя павінна быць замацаваная ў мясцовай тапамініцы — гэта Вацлаў Гавел», — падкрэсліў Юрый Губарэвіч.
«Вацлаў Гавел усё жыццё змагаўся за правы і свабоды, ён быў не толькі вялікім палітыкам, але і вялікім чалавекам, лідарам нашага народа і дзяржавы», — адзначыў пасол Чэхіі Томаш Перніцкі.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам10
Каментары