Пра гэта ён заявіў сёння на сустрэчы з навуковымі і навукова-педагагічнымі работнікамі, піша БелТА.
«Гэта вельмі важная праблема для Беларусі. Па другаснай сыравіне і адкідах», — сказаў ён.
Ён прывёў прыклад, што ў шэрагу дзяржаў уся шклатара ў асноўным вырабляецца з другаснай сыравіны. «А ў нас? Мы, бачыце, багатыя. Мы проста расхлябаныя і разбэшчаныя, як кажуць у Беларусі», — падкрэсліў беларускі кіраўнік.
Лукашэнка заявіў, што Адміністрацыі прэзідэнта даручана ўзяць на жорсткі кантроль адпаведныя пытанні. «Адкіды, макулатура, металічныя вырабы рознага роду, асаблівага пластык — гэта трэба ўсё збіраць. Усюды павінен быць парадак», — адзначыў ён.
Ён дадаў, што ў Беларусі любыя напоі ў большасці сваёй прадаюцца ў пластыкавай тары. Лукашэнка таксама спаслаўся на праведзенае ў Расіі даследаванне, што большасць смерцяў у сваёй аснове звязаныя з няякасным харчаваннем.
«Ужо прасунутыя краіны, якія хварэюць за сваіх грамадзян, адмаўляюцца ад пластыку. Я нядаўна даручыў прыбраць пластыкавыя бутэлькі і тару на першым этапе і замяніць шклом. Тым больш што ў нас развітая гэтая сфера прамысловасці. Гэта неадкладна трэба рэалізоўваць», — рэзюмаваў кіраўнік дзяржавы.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары