«Белыя мядзведзі ганяюцца за людзьмі, заходзяць у пад'езды» — надзвычайная сітуацыя на поўначы Расіі
Рэжым надзвычайнай сітуацыі ўведзены з 9 лютага на архіпелагу Новая Зямля, які ўваходзіць у склад Архангельскай вобласці РФ, з-за масавага нашэсця белых мядзведзяў на тэрыторыю населеных пунктаў, піша ТАСС.
У раёне пасёлка Бялушая Губа адзначаная наяўнасць 52 белых мядзведзяў. Адзначаюцца выпадкі агрэсіўных паводзінаў дзікіх звяроў - нападу на людзей, пранікнення ў жылыя і службовыя памяшканні. Увесь час на тэрыторыі пасёлка знаходзяцца ад шасці да дзесяці белых мядзведзяў.
«Людзі напалоханыя, баяцца выходзіць з дому, парушаецца рэжым паўсядзённай дзейнасці, бацькі асцерагаюцца адпускаць дзяцей у школы і дзіцячыя сады», - паведамляецца ў дакладзе намеснік кіраўніка адміністрацыі вобласці.
Мядзведзі ўжо не рэагуюць на святлашумавыя сігналы, на спробы адагнаць іх з дапамогай патрульных аўтамабіляў і сабак.
Але Распрыроднагляд адмовіў у атрыманні дазволу на адстрэл найбольш агрэсіўных асобін — белы мядзведзь адносіцца да рэдкіх відаў, ён занесены ў «Чырвоную кнігу».
«Я на Новай Зямлі ад 1983 года, але ніколі раней такога масавага нашэсця белых мядзведзяў не было. Нагадаю, больш за пяць жывёл не пакідаюць гарнізон, у літаральным сэнсе ганяюцца за людзьмі і нават заходзяць у пад'езды жылых дамоў. Але раз прынята рашэнне аб забароне адстрэлу, прыйдзецца ісці па больш доўгім і менш бяспечным для мясцовых жыхароў шляху. Усяго паблізу населеных пунктаў знаходзіцца каля 50 мядзведзяў, таму работы будзе шмат», - адзначыў кіраўнік Новай Зямлі Жыганша Мусін.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары