Футбалісты БАТЭ прайгралі «Арсеналу» з лікам 0:3 у гасцявым матчы 1/16 фіналу Лігі Еўропы.
Нагадаем, першы, дамашні для БАТЭ матч завяршыўся перамогай барысаўцаў з лікам 1:0.
Гаспадары поля адразу пайшлі наперад вялікімі сіламі, і на 4-й хвіліне ў адной з атак «кананіраў» абаронца барысаўцаў Захар Волкаў зрэзаў мяч у сваю браму.
А на 39-й хвіліне пасля чарговага кутняга ўдару каля брамы БАТЭ Шкадран Мустафі зрабіў лік 2:0 на карысць «Арсенала».
На 60-й хвіліне пасля падачы вуглавога брамнік барысаўчан Дзяніс Шчарбіцкі памыліўся на выхадзе, прамахнуўся кулаком па мячы, і Папастатопулас выскачыў вышэй за ўсіх і забіў.
Выніковы лік — 0:3, барысаўцы пакідаюць турнір.
Каментары