Падазраваны ў злачынстве: «Я ішоў. Мне падалося, што ён на мяне не так паглядзеў. Гэта ж кітаец».
Здарылася гэта днём у студэнцкім гарадку БДУ. Студэнт радыёфізікі БДУ ішоў на рэпетыцыю. У адной руцэ ён нёс аўдыёкалонку, у другой — электрагітару.
Да яго падышоў малады чалавек і пачаў збіваць. Праз некалькі секунд падключыўся яшчэ адзін маладзён. Удвох яны павалілі студэнта на зямлю, жорстка яго збілі, забралі рэчы.
У цяжкім стане Сю Сяалея даставілі ў 2‑ю клінічную бальніцу. Дактары зафіксавалі ў яго шматлікія траўмы галавы.
Падазраваныя ў разбойным нападзе двое навучэнцаў ПТВ віны не адмаўляюць.
Андрэй, падазраваны ў разбоі: «Я ішоў. Мне падалося, што ён на мяне не так паглядзеў. Гэта кітаец. Тут падышоў мой сябра Стас».
Падазраваным ужо прад’яўдена абвінавачанне. Разбойны напад — больш цяжкі артыкул, чым хуліганства. За бойку маладзёнам‑аўтахтонам пагражае да 15 год пазбаўлення волі.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі16
Каментары