Ганна Канапацкая рэзка раскрытыкавала заяву Эйсмант пра дыктатуру: Фашызм і нацызм пачыналіся гэтаксама
Дэпутат Палаты прадстаўнікоў Ганна Канапацкая абурылася заявамі прэс-сакратара Лукашэнкі Наталлі Эйсмант, што дыктатура можа стаць брэндам краіны.
«Заявы прэс-сакратара прэзідэнта аб тым, што дыктатура — гэта брэнд Беларусі, а за дыктатурамі будучыня ў заўтрашнім свеце, акрамя абурэння нічога не выклікаюць. Якая кароткая, аказваецца, бывае чалавечая памяць і вялікае глупства», — напісала Ганна Канапацкая ў сваім фэйсбуку.
Наталля Эйсмант: У свеце можа з'явіцца запыт на дыктатуру. Гэта наш брэнд
«Вызначэнне дыктатуры не можа «па-рознаму ўспрымацца» і нясе адзін, цалкам пэўны сэнс. Дыктатура — гэта адзінаўладнае і безумоўнае праўленне адной асобы, якое характарызуецца адсутнасцю рэальнага падзелу галін улады, падаўленнем грамадзянскіх свабод і грамадзянскай супольнасці, гранічнай канцэнтрацыяй улады, надзвычай шырокім ужываннем палітычных рэпрэсій, гвалту, празмерным разрастаннем рэпрэсіўна-паліцэйскага (міліцэйскага) апарата. І ніякага пазітыўнага сэнсу ў гэтым вызначэнні няма і быць не можа.
Дыктатура — гэта зло, кроў, смерць і вайна», — адзначае дэпутат.
«Беларусы як ніхто іншыя ведаюць і памятаюць, што такое сучасныя дыктатуры — італьянскі фашызм і нямецкі нацызм. Пачыналіся яны гэтак жа сама, як сёння кажа прэс-сакратар, прыкрываючыся дысцыплінай і парадкам. Чым скончыліся такія маніпуляцыі беларусы добра ведаюць - смерцю мільёнаў нашых суайчыннікаў», — дадала Ганна Канапацкая..
-
«І я пацалую табе руку, калі будуць курчыцца Фукуяма, Леві і Кісінджэр». Як Азаронак фліртаваў з Дугінай
-
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію
-
Палітзняволенай фатографцы Наталлі Бачурынскай змякчылі прысуд. Яе выпусцілі на волю
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію7
Каментары