«Наша Ніва» нядаўна паведамляла, што ў пасольстве Расіі ў Мінску працуе сын расійскага палітыка Франца Клінцэвіча: вайсковец узнагароджаны граматай за Крымскую кампанію.
Чытайце: Сын Франца Клінцэвіча, узнагароджаны за анексію Крыма, усплыў памочнікам Бабіча ў Беларусі
Мы звярнулі ўвагу на яшчэ аднаго супрацоўніка пасольства, фактычна другога чалавека пасля Бабіча — 58-гадовага дыпламата Уладзіміра Андрэева.
Біяграфія гэтага чалавека таксама даволі адметная: ён усю кар'еру адпрацаваў у сістэме савецкага і расійскага МЗС, прычым да 2013 года быў консулам Расіі ў Сімферопалі, ва ўкраінскім Крыме.
Цікава, што з пасады Андрэеў сышоў у выніку скандала: ён назваў крымскіх татар «калектыўнымі здраднікамі».
Справа была так: у Севастопалі адбывалася прэзентацыя фільма пра сталінскую дэпартацыю татар, на якую меліся прыйсці госці з Расіі. Андрэеў перад паказам запрасіў іх да сябе і забараніў ісці на прэм'еру. Чаму? Потым ён тлумачыў пазіцыю журналістам: «Расія не можа быць прадстаўлена на прэм'еры фільма, які скажае праўду аб вайне. […] У ім не закранутая тэма супрацоўніцтва асоб крымскататарскай нацыянальнасці з фашысцкімі акупантамі. […] Тэма здрадніцтва з боку прадстаўнікоў крымскататарскага насельніцтва павінна прысутнічаць як тлумачэнне дэпартацыі. […] Гэта абсалютна афіцыйна. Запішыце і пракручвайце любому крымскаму татарыну. Маё слова і слова Расіі павінна гучаць», — сказаў ён.
Па выніку справа ледзь не скончылася штурмам расійскага прадстаўніцтва татарамі, якіх калектыўна назвалі здраднікамі і апраўдалі дэпартацыю.
Шэраг украінскіх палітычных партый таксама заклікаў выгнаць Андрэева з краіны, па выніку той сышоў сам.
Але ўсплыў, як бачым, памочнікам Бабіча.
За сваю пазіцыю ў Крыме да Андрэева прычапілася мянушка «найлепшы сябра Сталіна».
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары