Кнігарня «Акадэмічная кніга» (пр.Незалежнасці, 72).
2 красавіка а 18.00 у «Акадэмкнізе» адбудзецца аўтограф-сесія Паўла Гушынца ў сувязі з выхадам зборніка апавяданняў «Вайна дзяўчынкі Сашы»
«Вайна дзяўчынкі Сашы» - гэта не проста зборнік мастацкіх апавяданняў Паўла Гушынца і Андрэя Аўдзея. Яе героі — рэальныя людзі. У 1941—45-х ім было 4, 5, 12, 16 гадоў. Хтосьці правёў гады вайны на акупаванай тэрыторыі, хтосьці быў сагнаны ў Нямеччыну і доўгія гады быў практычна рабом, хтосьці галадаў і мерз у абложаных гарадах.
Гэтыя людзі ўжо распавядалі свае гісторыі. Дзецям, унукам, карэспандэнтам раённых газет. Але газета выйдзе, праляжыць тыдзень і знікне ў смецці. Трохі даўжэй гісторыя пражыве ў памяці дзяцей. Гэтая кніга напісана, каб усе яны захаваліся на гады і дзесяцігоддзі. Каб ні ў кога не ўзнікла спакусы «паўтарыць».
«У сеціве я больш вядомы, як аўтар гумарыстычных ваенна-медыцынскіх апавяданняў і дзіцячы пісьменнік, — кажа павел Гушынец. — Напэўна, я саспеў для чагосьці больш сур'ёзнага.
Таму ўвесь мінулы год я ездзіў па краіне, сустракаўся са сведкамі акупацыі, іх дзецьмі, унукамі. Па крупінках збіраў інфармацыю, браў інтэрв'ю, запісваў сямейныя гісторыі. у выніку нарадзілася гэтая кніга.
Яна ні ў якой меры не імкнецца стаць гістарычным дакументам. Гэта ў першую чаргу лёсы людзей, іх эмоцыі, іх думкі».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы22
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары