Пятро Парашэнка патэлефанаваў Уладзіміру Зяленскаму і павіншаваў яго з афіцыйнымі вынікамі выбараў, якія 30 красавіка абвясціла ЦВК, паведамляе Бі-бі-сі Украіна.
Парашэнка заклікаў скаардынаваць намаганні, каб узмацніць санкцыі супраць Расіі.
Прэзідэнт таксама паведаміў, што дамовіўся сустрэцца з Уладзімірам Зяленскім «у набліжэйшы час».
«Суперніцтва на выбарах засталося ў мінулым», - адзначыў Парашэнка.
Парашэнка адзначыў, што міжнародныя назіральнікі прызналі выбары «сумленнымі, празрыстымі і дэмакратычнымі».
«Яны ў поўнай меры адпавядалі стратэгіі Украіны на членства ў Еўрапейскім саюзе і НАТА, я паслядоўна ўвасабляў гэта на працягу пяці гадоў свайго прэзідэнцтва», - заявіў прэзідэнт.
Ён выказаў надзею, што Уладзімір Зяленскі працягне гэты курс.
Парашэнка таксама заклікаў неадкладна «прадэманстраваць усім нашым партнёрам адзіную ўкраінскую пазіцыю ў той час, калі раздачай расійскіх пашпартоў на акупаваных тэрыторыях Крэмль ажыццяўляе чарговы этап гібрыднай вайны супраць Украіны».
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты21
Каментары