У гандлёвым цэнтры Galleria Minsk нечакана ліквідуюць магазін польскага брэнда Reserved. У групе кампаній «РАПА» Tut.by патлумачылі, што справа не ў новай краме H&M, якая адкрыецца ў Galleria Minsk восенню 2019-га, а ў супрацоўніцтве з польскім бокам ад Reserved.
— З ліквідацыяй крамы звязана некалькі фактараў. І справа не ў H&M. Для нас недастаткова зразумела пазіцыя LPP да беларускага рынку (LPP — польскі брэнд, у які ўваходзіць сетку магазінаў адзення. З іх «Рапа» развівае Reserved, Mohito, Sinsay). Там памяняліся кіраўнікі, і яны бачаць іншы фармат развіцця, хочуць самі адкрываць крамы ў Беларусі. І гэта нягледзячы на тое, што ў нас эксклюзіўны кантракт на пяць гадоў, магчыма, пытанне вырашыцца ў судовым парадку. Зараз ідуць перамовы па вырашэнні гэтай сітуацыі, — патлумачылі нам у кампаніі.
Яшчэ адзін фактар, які паўплываў на ліквідацыю крамы, — на месцы Reserved часткова адкрыецца першы ў Мінску H&M — ён зойме першы і частку другога паверха. На другім, дзе быў мужчынскі і дзіцячы аддзел Reserved, будзе працаваць New Yorker, які таксама развівае група кампаній «Рапа».
— Мы сканцэнтраваліся на развіцці New Yorker, паказчыкі гэтай сеткі нам падыходзяць больш, чым брэндаў LPP, — патлумачылі ў кампаніі.
У кампаніі таксама патлумачылі, што астатнія крамы — Reserved у Green City, Mohito і Sinsay — працягнуць працу.
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні3
Каментары