Праца над пагадненнямі паміж Беларуссю і Еўрапейскім саюзам па спрашчэнні візавага рэжыму і рэадмісіі практычна завершана.
Пра гэта міністр замежных спраў Беларусі Уладзімір Макей заявіў сёння журналістам на палях канферэнцыі высокага ўзроўню з нагоды дзесяцігоддзя ініцыятывы ЕС «Усходняе партнёрства», паведамляе БелТА.
«Праца над гэтымі дамовамі практычна завершана. Проста для таго, каб прыступіць да фінальнай стадыі падпісання, павінна быць пройдзены адпаведная працэдура і ўнутры Еўрапейскага саюза, і ў нас ўнутры краіны. Павінны быць прааналізаваныя і ўзважаныя ўсе моманты, магчыма, насцярожваючыя бакі, — растлумачыў Уладзімір Макей. — Я перакананы, што мы зможам завяршыць гэтую працу ў найбліжэйшы час».
Беларусь і Еўрапейскі саюз працуюць над гэтымі дамовамі на фоне рашэння ЕС падняць кошт шэнгенскай візы да 80 еўра для трэціх краін. Еўрапарламент ужо ўхваліў новыя візавыя правілы. Адказваючы на пытанне, ці паспеюць бакі заключыць пагадненні да моманту падаражэння шэнгенскай візы, Уладзімір Макей падкрэсліў, што ўсе бакі спакойна рухаюцца ў гэтым кірунку.
«Мы абавязкова паспеем», — запэўніў кіраўнік МЗС Беларусі.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары