Стала вядома імя расійскага бізнэсмена, які даў хабар гендырэктару «Белтэлекама»
КДБ 4 мая распаўсюдзіў паведамленне аб затрыманні генеральнага дырэктара РУП «Белтэлекам» Сяргея Сівадзедава, «які атрымаў хабар за садзейнічанне ў пастаўках тэлекамунікацыйнага абсталявання памерам 15 000 еўра». У рамках следства па крымінальнай справе па арт. 430 і 431 КК у якасці абвінавачанага прыцягнуты і хабарадавальнік — грамадзянін Расіі К.
Як даведаўся Office Life, грамадзянін Расіі К. — гэта Уладзімір Казанцаў, жыхар Екацярынбурга. Яму 49 гадоў. Зараз хатні тэлефон Уладзіміра Казанцава не адказвае.
Некалькі гадоў таму Казанцаў кіраваў Уральскім філіялам кампаніі «Энвіжн Груп». У інтэрв'ю часопісу «Чалавек года» ў 2012 годзе ён распавядаў аб праектах кампаніі: распрацоўках інфармацыйных прадуктаў для банкаўскай сферы, сотавай сувязі, атамнай энергетыкі, дзяржаўных органаў і сілавых структур.
У кампаніі «Энвіжн-Урал» Office Life распавялі, што спадар Казанцаў не працуе прыкладна з 2015 года.
У 2017 годзе Казанцаў «засвяціўся» сярод удзельнікаў IX Міжнароднага IT-форуму ў Ханты-Мансійску як прадстаўнік ТАА «Ай Ці Хорс» (Екацярынбург).
У красавіку 2018 года Казанцаў удзельнічаў у XVIII Усерасійскай нарадзе «Энергаэфектыўнасць 2.0. — Лічбавы вектар». Яго пасада ўказаная як намеснік дырэктара па працы з дзяржаўнымі і карпаратыўнымі сегментамі екацярынбургскага філіяла ПАА «Растэлекам». У «Растэлекаме» паведамілі, што «такі чалавек не працуе ў кампаніі з канца 2018 года».
Нагадаем, у доме экс-кіраўніка «Белтэлекама» Сівадзедава канфіскавана $470 тысяч. Накладзены арышт на тры кватэры ў Мінску, у тым ліку аформленыя на падстаўных асоб, а таксама зямельны ўчастак з жылым домам у Мінскім раёне.
Паведамляецца, што абвінавачаныя супрацоўнічаюць са следствам.
-
Насупраць ЗАГСа Савецкага раёна Мінска адкрылася тэматычная зона адпачынку «Шлях да шчасця»
-
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА
-
Расіяніну, які п'яным пабіўся з ахоўнікамі мінскага метро, вынеслі прысуд
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары