У Магілёве пачалі вызваляць мясцовых цыганоў, затрыманых у дзень забойства супрацоўніка ДАІ
З Магілёўскага ізалятара часовага ўтрыманьня пачалі вызваляць прадстаўнікоў цыганскай меншасьці, піша Радыё Свабода.
Паводле Радыё Свабода, больш за 60 цыганоў былі затрыманыя ўвечары 16 мая і абвінавачаныя ў хуліганстве. Але зьняволеньні, нібыта, былі зьвязаныя з выкраданьнем і забойствам у той вечар супрацоўніка магілёўскага ДАІ Яўгенія Патаповіча.
Міліцыянт нібыта паведаміў, што ён выкрадзены людзьмі «цыганскай або каўкаскай зьнешнасьці». Афіцыйнай інфармацыі на гэты конт, аднак, не агучвалася. Цела 22-гадовага Патаповіча было знойдзена за паўгадзіны да таго, як адбыліся масавыя арышты цыганоў.
— Вызваленыя з ізалятару распавялі, што ім інкрымінавалі «дробнае хуліганства». Ці складалі пратаколы — ня памятаюць. Спалоханыя. Учора забралі аднаго ў бальніцу. У дадзены момант на свабоду выйшлі блізу 20 чалавек. — распавёў Свабодзе адзін з прысутных.
Размаўляць з журналістамі вызваленыя мужчыны не жадаюць.
За кратамі знаходзіліся толькі мужчыны, жыхары магілёўскіх пасёлкаў Чапаеўка і Грабянёва, дзе кампактна пражываюць цыганы.
Апытанка
Чытайце таксама:
«Усіх мужчын закрылі, пасёлак стаіць пусты!» — пасля забойства даішніка ў Магілёве міліцыя масава затрымлівала цыганоў РЭПАРТАЖ
Цыганскі барон Магілёва: Пад вартай цяпер каля сотні чалавек
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары