Прэзідэнт Расіі Уладзімір Пуцін прапанаваў Вялікабрытаніі забыць пра шпіёнскі скандал, але ў Лондане настойваюць на кардынальнай змене Масквой сваіх паводзін, піша Reuters.
Выступаючы на сустрэчы з кіраўнікамі міжнародных інфармагенцтваў, Пуцін выказаў здагадку, што наступны прэм'ер-міністр Брытаніі забудзе пра атручванне былога супрацоўніка ГРУ Сяргея Скрыпаля ў Солсберы.
«Трэба ў рэшце рэшт перагарнуць гэтую старонку, звязаную са шпіёнамі, з замахамі», — заявіў Пуцін.
«Ён ваш агент, а не наш, значыць гэта вы супраць нас шпіёнілі. Што там з ім далей адбывалася, мне цяжка сказаць, але трэба гэта ўсё забыць у рэшце рэшт», — працягнуў Пуцін.
У офісе прэм'ер-міністра Брытаніі Тэрэзы Мэй адказалі, што адносіны паміж Вялікабрытаніяй і Расіяй могуць палепшыцца толькі тады, калі Масква зменіць свае агрэсіўныя і дэстабілізуючыя паводзіны.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА21
Каментары