Урадавы крызіс у Малдове: партыя Плахатнюка пагадзілася адклікаць сваіх людзей з урада
Дэмакратычная партыя малдаўскага алігарха Улада Плахатнюка абвясціла, што ўрад Паўла Філіпа сыходзіць у адстаўку. Па словах дэмакрата Уладзіміра Чабатара, гэта адзінае, што можна зрабіць на гэты момант.
Рашэнне было прынята на палітычнай радзе Дэмакратычнай партыі, якая прайшла сёння.
Урад Паўла Філіпа пакіне ўрад і ўрадавыя будынкі, пачынаючы з пятніцы, 14 чэрвеня.
Прадстаўнікі партыі Плахатнюка пагадзіліся разблакаваць урадавыя будынкі пасля візіту пасла ЗША Дэрэка Хогана ў офіс партыі.
Нагадаем, 8 чэрвеня малдаўскія прарасійскія сацыялісты дамовіліся з праеўрапейскай партыяй Acum выступіць супраць Дэмакратычнай партыі алігарха Улада Плахатнюка. У выніку парламент узначаліла лідарка сацыялістаў Зінаіда Грачаны, урад — адна з лідарак Acum Санду.
Дэмакраты паскардзіліся ў Канстытуцыйны суд, які прызнаў рашэнні неканстытуцыйнымі. Дадона адхілілі ад абавязкаў прэзідэнта, каб в. а. прэм'ер-міністра ад Дэмпартыі Павел Філіп замест яго падпісаў указ аб роспуску парламента. Аднак Дадон палічыў гэта ўзурпацыяй улады і адмяніў указ Філіпа.
Расія, ЗША і Еўрасаюз падтрымалі рашэнні малдаўскіх дэпутатаў. Аднак кіраўніцтва партыі Плахатнюка не прызнала новыя парламент і ўрад і заблакавала ўваходы ў дзяржустановы.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары