Памёр лідар гурта «Высакосны год» Ілля Каліннікаў — аўтар інтэлігентных песень пра гарадское жыццё
Заснавальнік і вакаліст расійскага гурта «Высакосны год» Ілля Каліннікаў памёр ва ўзросце 46 гадоў у адной з маскоўскіх бальніц. Пра гэта паведаміў дырэктар калектыву Аляксей Кан. Прычынай смерці стала спыненне сэрца.
Група «Высакосны год» была заснавана Каліннікавым у 1990 г. у падмаскоўным Фразіна.
Каліннікаў — аўтар хітоў «Метро», «Найлепшая песня пра каханне» і галоўнага саўндтрэку культавага тэлесерыяла «Дальнабойшчыкі» — «Ціхі агеньчык».
«Складана ўспомніць, хто яшчэ ў 1990-я — 2000-я ўмеў так даходліва і лаканічна распавядаць гісторыі ў песнях. Паэтычная інтанацыя Іллі Каліннікава — гэта голас маскоўскага, менавіта маскоўскага інтэлігента, які спрабуе зберагчы ў вялікім горадзе «ціхі агеньчык» сваёй душы, папросту — застацца чалавекам», - напісаў А. Кан.
Мінскія ўлады расказалі, як будуць змагацца з «акіянам аўтамабіляў» у дварах2
Каментары