У Лельчыцах 22-гадовы хлопец прыйшоў у краму з пісталетам-запальнічкай і стаў пагражаць. Але прадавачка не разгубілася
Здарэнне адбылося вечарам 9 ліпеня, паведамляе СК. 22-гадовы хлопец у масцы зайшоў у адну з крамаў Лельчыц, паказаў прадмет, падобны на пісталет, і паспрабаваў завалодаць таварамі.
Фота СК
Аднак прадавачка заўважыла, што зброя несапраўдная.
Яна сказала, што не баіцца нападніка і папярэдзіла, што калі мужчына не прыбярэ «пісталет», то выкліча міліцыю.
Уцякаючы, ён забраў з вітрыны дзве пляшкі гарэлкі і дзве пляшкі піва агульным коштам 22,5 рубля.
У гэты час недалёка ад крамы знаходзіўся яго 28-гадовы таварыш і сачыў, каб ніхто не зайшоў у будынак.
Абодва падазраваныя былі аператыўна затрыманыя супрацоўнікамі міліцыі ў адным з двароў.
Заведзена крымінальная справа.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай7
Каментары