У дзяцей, якія «завісаюць» у гульнях, устаноўленых на мабільных тэлефонах, планшэтах, ці часта праглядаюць мультфільмы на гаджэтах, з высокай імавернасцю можа развіцца касавокасць. Такое меркаванне выказала галоўны пазаштатны дзіцячы афтальмолаг міністэрства аховы здароўя, прафесар Вікторыя Красільнікава, перадае «Минск-Новости».
— Яшчэ некалькі гадоў таму, калі ў дашкольнікаў не было такой гаджэтаманіі, мы рэгістравалі касавокасць не гэтак часта, і ў асноўным у 3-гадовых дзяцей з прыроджанымі праблемамі органаў зроку, — адзначыла Красільнікава. — Прызначалі ім тэрапеўтычнае або хірургічнае лячэнне, і звычайна на шэсць гадоў касавокасць выраўноўвацца. Зараз мы ўсё часцей ставім гэты дыягназ 6-8-гадовым дзеткам, якія (як высвятляецца пры размове з бацькамі) з аднагадовага ўзросту не расстаюцца з дэвайсамі.
Спецыяліст патлумачыла, што пры праглядзе мульцікаў на гаджэтах дзіця факусуе вочы так, што яны глядзяць у адзін пункт. З часам гэта прыводзіць да касавокасці, як, зрэшты, і «завісанне» ў гульнях, устаноўленых на мабільніках і іншых дэвайсах.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары