Фінская газета паведаміла пра нерэалізаваны план продажу Карэліі Расіяй
Пра тое, што ў Крамлі ў 1991 годзе абмяркоўвалася магчымасць адпаведнай здзелкі і нават яе меркаваная сума ў памеры 15 мільярдаў даляраў, 21 ліпеня паведаміла фінская газета Helsingin Sanomat са спасылкай на тагачаснага намесніка міністра замежных спраў Расіі Андрэя Фёдарава. Той заявіў, што палітычнае кіраўніцтва Расіі працавала на гэтай тэмай «за зачыненымі дзвярыма».
Акрамя таго, паводле Фёдарава, тады ж расійскія ўлады нібыта рыхтавалі спіс рэгіёнаў і населеных пунктаў, чые праблемы, магчыма, неабходна будзе вырашаць з міжнароднай дапамогай. У пералік, акрамя Карэліі, увайшлі Курыльскія выспы, Калінінградская вобласць і Пыталаўскі раён Пскоўскай вобласці, які да 2007 года быў аб'ектам тэрытарыяльных прэтэнзій з боку Латвіі.
Ідэя продажу Карэліі ўзнікла з-за недахопу сродкаў, аднак ужо ў 1994 годзе гэтае пытанне было закрыта канчаткова, сцвярджае дыпламат.
У сваю чаргу былы дзяржаўны сакратар пры прэзідэнце Расіі Барысе Ельцыне Генадзь Бурбуліс паведаміў РБК, што расійскае кіраўніцтва ніколі не ставіла пытанне аб продажы Рэспублікі Карэлія Фінляндыі.
У 2007 годзе іншая фінская газета Kainuun Sanomat са спасылкай на ананімныя крыніцы паведамляла, што прэзідэнт Фінляндыі Маўна Койвіста (у 1982-1994 гадах) атрымліваў ад уладаў Расіі прапанову аб куплі Карэліі. Выданне заяўляла, што фінскія ўлады адмовіліся ад здзелкі, палічыўшы яе занадта дарагой для краіны — прыйшлося б плаціць не толькі грошы за зямлю, але і аднаўляць там эканоміку і разбураную савецкім панаваннем інфраструктуру.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары