Мітрапаліт Мінскі Павел: Тое, што сёння адбываецца ва Украіне, гэта бяда
Царква моцная тады, калі яна гнаная, таму што ў гэтых ганеннях разам з ёй знаходзіцца яе заснавальнік Ісус Хрыстос. Пра гэта сказаў Патрыяршы экзарх усяе Беларусі мітрапаліт Мінскі і Заслаўскі Павел, паведамляе patriarchia.ru.
Уладыка адзначыў, што з Украінскай царквы Маскоўскага патрыярхата ў новую ПЦУ перайшлі толькі два архірэі.
«Звярніце ўвагу: з 90 архірэяў толькі два аказаліся здраднікамі. І ў якім становішчы яны сёння? Ад сваіх адбіліся — і там яны не патрэбныя, таму што яны здраднікі, а да такіх перабежчыкаў нават раскольнікі ставяцца як да здраднікаў. Нікому яны не патрэбныя. Хіба гэта не наглядны прыклад для ўсіх астатніх?
Тое, што сёння адбываецца ва Украіне, — гэта бяда, па-іншаму і не скажаш. Але, з іншага боку, радуе тое, што ўкраінцы зразумелі, што Царква застаецца непарушнай. І той, хто шчыра ідзе за Богам, за Хрыстом, той сапраўды ідзе па шляху збаўлення, і Гасподзь дапамагае ім», — падкрэсліў ён.
Каментары