Канечне не Аляксандр, а яго малодшы брат Вячаслаў, які колісь — нават не верыцца — выступаў за нямецкі «Гамбург».
Форвард зборнай Беларусі Вячаслаў Глеб тры тыдні знаходзіцца на турэцкім зборы кітайскага клуба «Шанхай Шэньхуа». Днямі наш суайчыннік падпісаў двухгадовы кантракт,паведамляе Прессбол.
«Шанхай Шэньхуа» гуляе ў Суперлізе Кітая, дзе выступае 16 камандаў. У мінулым сезоне клуб заняў 2‑е месца.
Клуб «Шэньхуа» (перакладаецца як «Кветка») быў створаны ў 1993 г., у 2007 г. аб’яднаўся з «Шанхай Юнайтэд». Чэмпіён краіны 1995, 2003 г.
***
Вячаслаў Глеб нарадзіўся 12 лютага 1983 г. Пачаў кар’еру ў «Дынама‑Юні» — тады клуб беларускай першай лігі (Д-2). У 2000 г. перайшоў у моладзевую каманду «Штутгарта» (не блытаць з асноўнай камандай «Штутгарт», за якую паспяхова выступаў яго брат Аляксандр).
У 2003 г. заключыў кантракт з клубам нямецкай бундэслігі «Гамбург», але там не замацаваўся. Згуляў дзесяць матчаў, не забіў ніводнага мяча і быў аддадзены ў швейцарскі «Грасхопер», дзе яго зноў чакаў правал.
Вярнуўся ў МТЗ‑РІПА, некаторы час гуляў у «Каўнасе», потым беспаспяхова праходзіў агледзіны ў шатландскім «Хартсе» («МТЗ‑РІПА, «Каўнас» і «Хартс» — належаць да холдынгу літоўскага бізнесмена Уладзіміра Раманава), беспаспяхова ездзіў на прагляд у «Роду», да якой праяўляў цікавасць - не болей - «Твентэ» (Нідэрланды).
Вячаслава Глеба называюць таленавітым футбалістам, які праз уласную ляноту і характар закапаў гэты талент глыбока ў зямлю.
***
Летась за клуб «Ляонін» выступаў беларус Раман Кірэнкін, які плануе прадоўжыць кар'еру ў іншым клубе, бо клуб вылецеў з суперлігі. Адправіліся ў Кітай падпісваць кантракты Андрэй Разін і Мікалай Рындзюк, апошні ўжо гуляў у Кітаі.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары