Лідэр зімбабвійскай апазіцыі Морган Цвангірай у сераду ўступіў на пасаду прэм’ер‑міністра краіны ў рамках пагаднення пра падзел улады з прэзідэнтам Мугабэ.
Тыдзень таму парламент Зімбабвэ прыняў канстытуцыйную папраўку, якая аднаўляе пасаду кіраўніка ўрада.
У 1987 г. гэтую пасаду скасаваў Роберт Мугабэ. Ён тады быў прэм’ерам, але прызначыў сябе прэзідэнтам.
Пры канцы сакавіка 2008 г. у Зімбабвэ прайшлі прэзідэнцкія выбары. Партыя «Рух за дэмакратычныя перамены» заявіла пра перамогу свайго кандыдата — 56 гадовага Моргана Рычарда Цвангірая, у той час як правячая партыяй настойвала на тым, што ніводны з кандыдатаў у першым туры не набраў неабходнай для перамогі колькасці галасоў.
Тамтэйшы Цэнтрвыбаркам назначыў другі тур, але Цвангірай адмовіўся ад ад далейшага ўдзелу ў выбарах.
А ўжо ў верасні Мугабэ і лідэры апазіцыі падпісалі пагадненне пра падзел улады, у адпаведнасці з якім у краіне ствараецца Ўрад нацыянальнага адзінства, а прэзідэнт краіны аддае частку паўнамоцтваў апазіцыі.
Зімбабвэ зараз у глыбокім крызісе. У ліпені інфляцыя дасягнула рэкорду ‑‑ 231 млн працэнтаў у гадавым вылічэнні. У краіне не хапае харчавання і паліва, мільёны грамадзян сталі ўцекачамі. А нядаўна на краіну звалілася новая бяда — халера. Па розных падліках захварэлі ад некалькі тысяч да некалькі дзесяткаў тысяч чалавек
Малады работнік «Мінск-Арэны» павінен заплаціць 71 мільён даляраў4
Каментары