Домрачава пракаментавала прызначэнне трэнерам зборнай Кітая па біятлоне
Дар'я Домрачава ў сваім інстаграме пракаментавала прызначэнне на пасаду трэнера кітайскай жаночай каманды па біятлоне.
«Мы рады паведаміць аб пачатку нашага супрацоўніцтва са зборнай Кітая па біятлоне. Маладая, амбітная каманда з вялікім патэнцыялам для ўдасканалення і росту. З сённяшняга дня мы падключаемся да штодзённага трэніравальнага працэсу і будзем рады падзяліцца сваім шматгадовым вопытам работы з камандай, якая стане гаспадаром наступных зімовых Алімпійскіх гульняў», - напісала чатырохразовая алімпійская чэмпіёнка.
Дар'я дадала, што яе муж Уле-Эйнар Бьёрндален стане галоўным трэнерам зборнай Паднябеснай, а яна — настаўнікам жаночай каманды.
«Мы поўныя матывацыі даць свае лепшыя парады спартсменам, калектыву і ўсім, хто працуе разам з намі на шляху дасягнення добрага выніку», — дадала Домрачава.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца4
Каментары