Джонсан заявіў пра выхад Брытаніі з ЕС 31 кастрычніка «з угодай або без»
Прэм'ер-міністр Вялікабрытаніі Борыс Джонсан у сваім артыкуле, апублікаваным у газеце The Daily Telegraph, заявіў, што ў найбліжэйшы час Лондан і Брусэль змогуць дамовіцца аб умовах выхаду Брытаніі з Еўрасаюза. Пры гэтым ён папярэдзіў, што пры адсутнасці ўгоды з ЕС Вялікабрытанія ўсё роўна пакіне аб'яднанне 31 кастрычніка.
«Калі мы зможам дамагчыся дастатковага прагрэсу ў найбліжэйшыя некалькі дзён, то я маю намер адправіцца на ключавы саміт [з ЕС] 17 кастрычніка і канчаткова аформіць пагадненне, якое будзе абараняць інтарэсы бізнэсу і грамадзян па абодва бакі Ла-Манша і па абодва бакі мяжы з Ірландыяй», — напісаў ён.
Па словах Джонсана, ён верыць у тое, што бакам удасца дамагчыся пастаўленай мэты такім чынам, што пагадненне будзе адпавядаць як інтарэсам Брытаніі, так і інтарэсам Еўрапейскага саюза. Пры гэтым прэм'ер адзначыў, што Брусэль і Лондан патрацілі ўжо занадта шмат часу і сіл на ўзгадненне ўмоў.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты36
Каментары