Звольнілі кіраўніка прадпрыемства, якое выбірае месца пад могільнік для радыеактыўных адкідаў
Дзяржаўнае прадпрыемства, якое займаецца выбарам месца для будаўніцтва сховішча радыеактыўных адкідаў у Беларусі, засталося без кіраўніка, заўважыў «Флагшток».
2 красавіка калектыў прадпрыемства «БелРАА» развітаўся са сваім дырэктарам Дзмітрыем Логвіным. Прычыны яго звальнення не раскрываюцца, таксама няма інфармацыі, ці атрымаў ён новую пасаду. Паведамляецца толькі, што супрацоўнікі пажадалі яму поспехаў у далейшай працы.
Цяпер пасада кіраўніка прадпрыемства застаецца вакантнай. Гэта адбылося ў важны перыяд, калі якраз ідзе выбар месца для будучага сховішча радыеактыўных адкідаў.
Сярод магчымых варыянтаў разглядаюцца некалькі раёнаў: Хойніцкі ў Гомельскай вобласці, Мсціслаўскі ў Магілёўскай і Астравецкі ў Гродзенскай.
Раней Логвін асабіста наведваў усе гэтыя рэгіёны і сустракаўся з мясцовымі жыхарамі, тлумачачы ім, што будучы аб’ект будзе бяспечным. Апошняя такая сустрэча адбылася напрыканцы сакавіка ў Астраўцы.
Пакуль невядома, хто ўзначаліць прадпрыемства далей і як гэта паўплывае на працэс выбару месца для будаўніцтва.
Цяпер чытаюць
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам16
Каментары
Пакуль у адных (Беларусь) ствараюцца умовы для бязбеднага існавання клана аднаго чалавека, у іншых ствараюцца умовы для энергетычнай незалежнасці (Арменія) (сума інвестыцый ЗША у энэргетыку Арменіі параўнальная з інвестыцыямі РФ у Беларусі, а вось рэактары прапануюцца іншыя - модульныя).
На забруджанай, цяжкімі ізатопамі дарэчы (якія не любяць лётаць, пакуль іх не пачынаюць перапахваць), тэрыторыі ёсць дэпазіт свайго урана. Не бачу праблемы здабываць там гэты уран, акрамя...аднаго чалавека, яго клана, і корпуса вартавых іх безмяцежнага існавання.
Магільнік па сутнасці сваёй абароненая штука.
Колькі гадоў існуе магільнік адкідаў эксперыментальнага рэактара у Соснах (праект "Памір", шырокай публіцы у Беларусі стаў вядомы дзякуючы працы тэлеаператара Васіля Сямашка, падчас яго працы на БЕЛАПАН Алеся Ліпая [замоўца папулярызацыі колісь абсалютна сакрэтнага праекта, я мяркую, РОСАТАМ])?
https://www.google.com/maps/@53.8234195,27.7765883,11468m/data=!3m1!1e3?hl=en&entry=ttu&g_ep=EgoyMDI2MDQwMS4wIKXMDSoASAFQAw%3D%3D
Няма прэтэнзій да месца (удакладніце, калі ласка, каардынаты магільніка; дзесьці паміж першым і другім МКАДам, так?)?