У Мінску памяняюць сістэму аказання хуткай медыцынскай дапамогі. Замест адной бальніцы будуць тры цэнтры
У Мінску плануюць змяніць сістэму аказання хуткай медыцынскай дапамогі, каб зрабіць яе больш зручнай і даступнай для жыхароў горада, паведаміў Аляксандру Лукашэнку старшыня Мінскага гарвыканкама Уладзімір Кухараў падчас наведвання палітыкам новай 42‑й сталічнай паліклінікі.
Цяпер асноўная плынь пацыентаў, якім патрэбна тэрміновая дапамога, накіроўваецца ў адну Гарадскую клінічную бальніцу хуткай медыцынскай дапамогі. З-за гэтага там часта ўзнікае перагрузка.
Каб вырашыць праблему, прапануецца падзяліць горад на тры часткі і стварыць тры буйныя цэнтры, якія будуць прымаць такіх пацыентаў.
Гэтыя цэнтры плануюць арганізаваць на базе ўжо наяўных медыцынскіх устаноў. Адзін будзе працаваць на базе цэнтра хірургіі, транспланталогіі і гематалогіі, другі — на базе 10‑й гарадской клінічнай бальніцы, трэці — на базе бальніцы хуткай медыцынскай дапамогі.
Мэта такой рэформы — раўнамерна размеркаваць пацыентаў паміж рознымі ўстановамі, зменшыць нагрузку на адну бальніцу і скараціць час у дарозе для людзей з розных раёнаў Мінска.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары