Недалёка ад Армузскага праліва разбіўся яшчэ адзін амерыканскі самалёт
У раёне Персідскага заліва разбіўся яшчэ адзін вайсковы самалёт ЗША, паведамляе The New York Times са спасылкай на двух амерыканскіх чыноўнікаў.
Гаворка ідзе пра штурмавік A-10 Warthog, які пацярпеў катастрофу недалёка ад Армузскага праліва. Паводле інфармацыі амерыканскіх чыноўнікаў, яго пілота ўдалося выратаваць, і ён не пацярпеў.
Адзначаецца, што гэта здарэнне адбылося прыкладна ў той жа час, калі над Іранам быў збіты іншы амерыканскі самалёт — F-15E Strike Eagle.
Дакладныя прычыны падзення A-10 пакуль не раскрываюцца, і падрабязнасцяў пра інцыдэнт мала. Таксама з’явіліся паведамленні, што падчас выратавальнай аперацыі мог пацярпець верталёт UH-60 Black Hawk, але яго экіпаж, паводле папярэдніх звестак, застаўся ў бяспецы.
Раней паведамлялася, што ўпершыню з пачатку канфлікту іранскія сілы змаглі збіць амерыканскі знішчальнік F-15E. Аднаго з членаў яго экіпажа выратавалі, а лёс другога пакуль дакладна невядомы — ёсць звесткі, што ён мог быць захоплены.
Цяпер чытаюць
Няўдалае тэхнічнае рашэнне дорага абышлося арганізатарам галасавання ў Каардынацыйную раду1
Каментары
Сообщения о том, что в пятницу в районе Персидского залива был сбит второй боевой самолет ВВС США, не соответствуют действительности.
Штурмовик A-10 Warthog попал под «обстрел противника» во время проведения спасательной операции по эвакуации члена экипажа американского истребителя F-15E.
Упали оба.