«Мы прыйшлі да высновы: Мінск — сталіца Беларусі». На журфаку БДУ прааналізавалі якасць дыпломных работ і жахнуліся
У распараджэнне «Нашай Нівы» трапіў дакумент-прэзентацыя з вынікамі аналізу дыпломных работ выпускнікоў факультэта журналістыкі БДУ за некалькі гадоў.
Наколькі вядома, ягоны аўтар — намеснік дэкана Уладзімір Сцяпанаў. Ён знаходзіцца на пасадзе ўсяго год, раней быў дарадцам-кансультантам аднаго з упраўленняў расфармаванага ІАЦ.
Дык пра што гаворыцца ў ягоных высновах?
Яны красамоўна аформлены карцінкамі, у якіх прыводзіцца канкрэтная абсурдная фраза і насупраць — выніковая станоўчая адзнака ці высокая ацэнка навуковага кіраўніка.
Так, напрыклад, аўтар аднаго з дыпломаў прыйшоў да нечаканай навуковай высновы, што Мінск — сталіца Беларусі, і атрымаў у выніку 8 балаў.
Пры 63% плагіяту ў рабоце навуковы кіраўнік піша рэзалюцыю аб «высокім працэнце арыгінальнасці тэксту».
Сам Сцяпанаў каментаваць сваю работу «Нашай Ніве» не стаў, спаслаўшыся на заведзены парадак работы з прэсай праз начальства.
Дэкан факультэта журналістыкі Вольга Самусевіч тлумачыць, што сенсацыі з гэтага дакумента рабіць не варта, бо «такая работа праводзілася заўсёды».
Паводле яе словаў, сістэма антыплагіят часам можа ацэньваць папярэднія навуковыя публікацыі студэнтаў у іх жа дыпломах як плагіят, таму і лічбы ў кожнай рабоце трэба ацэньваць асобна.
Яна запэўнівае, што ўся неабходная работа па кантролі і павышэнні якасці дыпломаў вядзецца і не спыняецца.
Вольга Самусевіч у кіраўніцтве журфака з 2008 года, калі стала намесніцай дэкана. Дэкан — з лета мінулага года.
Прафесійная журналісцкая супольнасць часта звяртае ўвагу на тое, што адбываецца на факультэце.
-
Пасольства Польшчы ў Мінску змяняе правілы прыёму дакументаў на карту паляка
-
Славенія заплаціць беларусу амаль 100 тысяч еўра за тое, што на яго навялі пісталет пры затрыманні, а пасля пратрымалі год за кратамі
-
«Пагроза бяспецы калег». Зазулінская патлумачыла, чаму ў «Еўрапейскім выбары» перасталі давяраць Мамаевай
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары