Кіроўца з Беларусі пакінуў 2 еўра ў салоне фуры — можа атрымаць штраф у 750 за хабар літоўскім памежнікам
У гэтым годзе амаль паўсотні кіроўцаў спрабавалі тым ці іншым спосабам даць хабар супрацоўнікам літоўскай мытні падчас праверкі. Часцей за ўсё банкноты змяшчаюцца паміж дакументамі, прадстаўленымі супрацоўніку мытні, або пакідаюцца на бачным месцы ў кабіне. Так, на мінулым тыдні было пачата ажно два дасудовыя расследаванні ў адносінах да кіроўцаў з Беларусі.
Увечары каля 17:30 на пасту ў Шальчынінкаі з'явіліся DAF і MAN пад кіраваннем грамадзян Беларусі, распавядае АўтаГродна.
— Манета ў 2 еўра, пакінутая на прыборнай панэлі, была данінай павагі, — распавядаў пазней кіроўца DAF.
Другі беларус быў больш шчодры: ён паклаў 5 еўра на панэль, сказаў, што гэта «на чай».
Абодва кіроўцы ў сваіх тлумачэннях прызналіся, што прапаноўвалі ўзяць грошы, разумеючы, што гэта крымінальнае злачынства.
У абодвух выпадках Мытна-крымінальная служба на чале з Віленскай раённай пракуратурай пачала папярэдняе расследаванне па артыкуле 227 Крымінальнага кодэкса «Хабар».
Кіроўцам пагражае штраф у памеры каля 750 еўра. Дарэчы, груз абодвух кіроўцаў быў дэталёва правераны — парушэнняў выяўлена не было.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»15
Каментары